მოძებნეთ და შეარჩიეთ დომენი სასურველი დაბოლოებით. თუ უკვე ხართ დომენის მფლობელი, შეგვიძლია მის ტრანსფერში დაგეხმაროთ.
მნიშვნელოვანი ფაქტორები, რომლებიც დომენის შერჩევის პროცესში უნდა გაითვალისწინოთ.
ეცადეთ თქვენი დომენური სახელი იყოს შეძლებისდაგვარად მოკლე. ასეთი დომენების აკრეფვა და დამახსოვრება მარტივია. ასევე გაითვალისწინეთ, რომ დომენური სახელი შესაძლოა ელ. ფოსტისთვისაც დაგჭირდეთ, რომელსაც სავიზიტო ბარათებზე ან სარეკლამო მასალაზე დაბეჭდავთ.
ეცადეთ თავიდან აირიდოთ ისეთი სიტყვების გამოყენება, რომლებიც რთულად გამოითქმება. თუმცა, ეს არ ნიშნავს იმას, რომ დომენი აუცილებლად ერთი სიტყვისგან უნდა შედგებოდეს. მაგალითად, bestcafeinparis.com ითვლება მარტივად, რადგან ადვილად დამახსოვრებადია და არ შეიცავს დამაბნეველ, რთულად წარმოსათქმელ სიტყვებს.
თუ დომენი ბიზნესისთვისაა განკუთვნილი, მოარგეთ ის კომპანიის ბრენდინგს. გაითვალისწინეთ, თუკი გლობალურ ბაზარზე მოგიწევთ გასვლა, ბრენდის ან დომენური სახელი შესაძლოა უკვე ასოცირდებოდეს სხვა კომპანიასთან რომელიმე ქვეყანაში. როდესაც მომხმარებლები ინტერნეტში თქვენს მოძებნას ეცდებიან, Google მათ სხვა კომპანიების შედეგებსაც ანახებს, რომლებიც მსგავს სახელს იყენებენ.
Google „დააჯილდოვებს“ თქვენს საიტს, თუკი დომენური სახელი (და ვებ საიტის შინაარსი) დაემთხვევა იმ საძიებო სიტყვებს, რომლებსაც ადამიანები თქვენი კომპანიის მოსაძებნად იყენებენ ინტერნეტში. მაგალითად, თუკი თქვენი სასტუმროსთვის ეძებთ დომენს, გამოიყენეთ სიტყვა „სასტუმრო“ და მისი ადგილმდებარეობა დომენის შერჩევისას, სასტუმროს დასახელებასთან ერთად. (hotelhilltopsvaneti.ge და არა უბრალოდ hilltop.ge )
ახლა, როდესაც .გე დომენები უკვე ხელმისაწვდომია, დომენის შერჩევისას გაითვალისწინეთ მისი ტრანსლიტერაციაც. მაგალითად - magida.ge-ს ტრანსლიტერაციაა მაგიდა.გე. თუკი ტრანსლიტერაციისთვის ხელსაყრელ დომენურ სახელს შეარჩევთ, დაარეგისტრირეთ ორივე - .ge და .გე დომენები და გადაამისამართეთ ერთ ვებ საიტზე.
თუ თქვენ უკვე ფლობთ დომენს, შეგიძლიათ მოახდინოთ მისი ტრანსფერი ჩვენთან და გააერთიანოთ ისეთ პროდუქტებთან, როგორებიცაა ჰოსტინგი, ელ. ფოსტა და სხვა.
შედით თქვენს ანგარიშში, რომლითაც დომენი დაარეგისტრირეთ და მოიძიეთ EPP / Auth კოდი.
გაიარეთ ავტორიზაცია CLOUD9-ს ანგარიშით და მიუთითეთ EPP / Auth კოდი დომენთან ერთად ტრანსფერის ფორმაში.
გადაიხადეთ სერვისის საფასური და დაელოდეთ დამადასტურებელ წერილს. მას შემდეგ, რაც დადასტურების ბმულზე გადახვალთ, პროცესი დასრულებულია.
უპირველესად, რეგისტრატორისგან EPP / Auth კოდი უნდა მოიპოვოთ, რომელიც საჭიროა თქვენი დომენის CLOUD9-ში ტრანსფერისთვის. მიუთითეთ დომენის სახელი და EPP / Auth კოდი ტრანსფერის ფორმაში, გადაიხადეთ დომენის საფასური და პროცესი დაიწყება. ტრანსფერის დასრულებას დაახლოებით 12 საათამდე სჭირდება. თუკი თქვენს დომენს ვადის ამოწურვამდე გარკვეული პერიოდი ჰქონდა დარჩენილი, ეს დრო დაგემატებათ CLOUD9-ში ტრანსფერის შემდეგ.
თქვენ უკვე შეგიძლიათ დაარეგისტრიროთ დომენური სახელი ქართულ ენაზე. ეს დომენები .გე დაბოლოებით მთავრდება და ძალიან გამოგადგებათ, თუკი თქვენი ბრენდის ან სავაჭრო ნიშნის დაცვა გსურთ და გჭირდებათ დომენი როგორც ინგლისურ, ასევე ქართულ ენაზე. .გე დომენი ტრანსლიტერაციისთვისაც გამოგადგებათ - თუკი ერთხელ მაინც ჩაგიწერიათ „ყოუტუბე“ ბრაუზერში, ადვილად მიხვდებით მის ღირსებას.
საკონტაქტო ინფორმაცია, რომელსაც დომენის რეგისტრაციის პროცესში აზიარებთ, საჯაროდ ხელმისაწვდომია სხვებისთვის, როდესაც თქვენს დომენურ სახელს მოძებნიან. ჩვენ შეგვიძლია არ გავასაჯაროოთ თქვენი პირადი მონაცემები, რითიც დაგიცავთ სპამისგან და თქვენი იდენტობის შესაძლო მითვისებისგან.
დომენური სახელების რეგისტრაცია 1 წლიანი პერიოდით ხდება. ჩვენ გიგზავნით შეხსენებას ამ პერიოდის ამოწურვის შესახებ და თქვენ შეგიძლიათ, სურვილის შემთხვევაში, გააგრძელოთ დომენის ვადა. ასევე, შეგიძლიათ წინასწარ გადაიხადოთ რამდენიმე წლის საფასური და აღარ დაგჭირდებათ ყოველწლიურად დომენის განახლება.
შავ სიაში შედის ის სიტყვები, რომლების დარეგისტრირებაც .ge და .გე დომენურ ზონებში შეუძლებელია. ამ სიტყვების უმრავლესობა სავაჭრო ნიშნებსა და შეურაცხმყოფელ გამონათქვამებს წარმოადგენს.
დომენის შეძენის ან ტრანსფერის შემთხვევაში, მისი აქტივაციისთვის თქვენ უნდა შეცვალოთ NS ჩანაწერი, რომლის გააქტიურებასაც შესაძლოა 1-დან 12 საათამდე დასჭირდეს.
თუკი სასურველი ინფორმაცია ვერ მოიძიეთ, დაგვიკავშირდით. ჩვენი წარმომადგენელი თქვენს შეკითხვას 24 საათის განმავლობაში უპასუხებს.
| Linux Hosting | |
|---|---|
| ns1.cpanel.ge | |
| ns2.cpanel.ge |
| Windows Hosting | |
|---|---|
| ns5.cpanel.ge | |
| ns6.cpanel.ge |
| VPS Hosting | |
|---|---|
| ns3.cpanel.ge | |
| ns4.cpanel.ge |
